Ano ba itong salitang 'to?
O baka naman dapat na itanong kung sino ito?
Pilit kong hinahanap sa diksyunaryo ang mahiwagang salita
Ngunit sa haba ng panahon di pa rin mahagilap.
Dapat na bang sumuko o dapat pa bang ipagpatuloy?
Ito ang nagbibigay buhay sa aking puso
Ito ang naglalagay ngiti sa aking mukha
Ito ang nagdadala ng lakas sa akin
Ito rin ang dahilan kung ba't di ako sumusuko
Ito ang nagbibigay inspirasyon sa lahat ng aking ginagawa
Ngunit ang lahat ng mga ito ay naglaho na parang bula.
Sana pagdating ng panahon mahanap ko ang din ang kasagutan
Sa mga tanong na pumupukaw sa isipan.
Sana malaman ko na ito o kaya,
Sana makilala ko na kung sino ito.
MAkakatulong kaya kung malaman ko na?
Makakatulong kaya kung makikilala ko na siya?
O baka naman madagdagan pa ang problema
Pag natuklasan ang misteryong bumabalot sa’yo.
Hindi ko alam kung paano tatapusin ang aking tula
Kaya ako’y maghihintay na lang na matagpuan ka.
Sana sa ating pagkikita,
Maging gabay ka sa paghubog ng aking tula.
PART II
Mahabang panahon na din ang nakalilipas
Inaasahang meron ng malalaman
MAtagal ko nang nais matagpuan
At dumating na nga ang inaasahan.
Ika'y natagpuan, di ka pala ano,
Ikakaw pala ay sino
Nais kang makilala
Sana ikaw ay magpakilala
Para matuloy na ang aking nais
Na ikaw ay makasama.
Ako nga pala ang iyong tagahanga
At ikaw ang aking inspirasyon sa buhay
Ikaw ang dahilan ng lahat
Ikaw ang dahilan kung bakit ako naging matiyaga
Naging matiyaga ako sa paghahanap sa'yo.
Wag mo sanang biguin ang aking mga pangarap
Wag mo sanang iligaw sa landas
Ang mga pangarap ko sa una kong tula
Sana ngayong nakita ka na matupad na ang mga inaasahan.
PART III
Sa haba ng panahong aking hinintay
Salamat at natagpuan ka
Tunay ngang ikaw ang dahilan ng lahat
Tunay ngang ikaw ay walang katulad.
Ako ay nagpapasalamat dahil di ka madaling hanapin sa diksyunaryo
Kung madali sana ay natagpuan ka na ng iba.
Mabuti na lang ako ay nagkaroon ng tiyaga na hanapin ka
Mabuti naman at nahintay ko ang panahon na makita ka.
Simula sa ating pagkikita
Nandito pa rin sa mukha ang ngiti na iyong dinala
Nabuhayan muli ang pusong namatay
Ikaw talaga ang inspirasyon sa aking buhay
NAkatulong ng malaki ang ating pagkikita
Ngunit di ko inaasahan na magkakaroon ng problema.
PART IV
Iyong napawi ang lumbay sa aking kawawang puso
Iyong nilagyan ng sigla ang malungkot na mukha
Iyong iminulat ang mga matang natutulog
LAbis na kaligayahan ang iyong dinala
At ako naman ay labis na natuwa at ito'y tinanggap.
Akala ko wala nang problema
Ngunit ako pala ay mali
May mga bagay na di pala talaga dapat sa atin
Dapat mo na ring bitiwan
At aking naisip na kailangan ko nang lumayo
Marahil isinulat ko ito hidi para sa'yo kundi para sa akin
Sana di nalang nadatnan ng aking mga mata ang iyong mga isinulat
Sana di na lang nakita ang kaligayahan mo sa piling ng iba
Sana di na lang sineryoso ang pag-ibig na nangibabaw
Sana, sana, sana...
Kung alam ko lang na ako'y masasaktan
At ikamamatay ng pusong nagdurusa.
Sa kabila nito, ako pa rin ay nagpapasalamat dahil natagpuan ka
Ako ay natauhan sa panaginip na nangyari
Hindi pala lahat ng inaakala mo ay manyayari
Ito rin pala'y maaaring mabawi.
Tama nga ang Eraserheads,
Maari kang mamatay sa maling akala
Inulit pa ng Brownman Revival para ipaalala sa akin.
Ngunit nandito pa rin ako at naghihintay sa tamang panahon.
Umaasang muling mabubuhay at tatayo sa aking huling hantungan
Hungry Tummy
4:11 AM
++++++++